Mirësevini në “Projektin për Edukim mbi Paqen dhe Çarmatimin” në Shqipëri! Projekti është një nismë e re e Departamentit të Kombeve të Bashkuara mbi Cështjet e  Çarmatimit si dhe e Apelit për Paqe të Gjykatës së Hagës me objektiv katër shtete: Shqipëri, Nigeri, Peru dhe Kamboxhia. Projekti në Shqipëri drejtohet nga një grup individësh dhe përfaqësuesish të organizatave të ndryshme të koordinuar nga Qendra Shqiptare për Edukim mbi Paqen dhe Çarmatimin, e cila merret me kërkimin dhe nxitjen e edukimit për paqe dhe çarmatim në Shqipëri.

Qëllimi kryesor i programit ndërkombëtar “Edukim mbi Paqen dhe Çarmatimin” është të ofrojë kontributin e tij në transformimin nga mënyrat e dhunshme të jetesës në ato paqësore. Vëmendje të vecantë zë demilitarizimi dhe ulja e nivelit te dhunës – sidomos ajo me armë zjarri- e cila ushtrohet relativisht më shpesh nga moshat e reja të shteteve ku zbatohet ky program.

Për të arritur këtë qëllim, projekti i propozuar ka për synim të zhvillojë programe edukimore mbi paqen për një shoqëri të gjerë duke reflektuar dhe vënë në balancë te mirat dhe nevojat e shoqërisë civile. Rezultatet nga implementimi i këtyre reformave priten të jenë:

• Zhvillimi i një projekt-plani efektiv mbi edukimin për paqe duke pasqyruar eksperiencat në nivelet lokale, burimet dhe zgjuarsinë kolektive te drejtuesve të komuniteteve të ndryshme;
• Hartimi dhe implementimi i një programi që do te shërbejë në trajnimin e mësuesve gjatë procesit edukimor mbi paqen bazuar mbi këtë projekt-plan, i cili do t’i ofrohet të gjithë stafit mësimdhënës në shkollat dhe shtetet përkatese.
• Përdorimi i stafit mësimdhënës e të projekt-planit mbi edukimin për paqe me qëllim integrimin e këtij programi në shkollat fillore si dhe ato të mesme në të katër shtetet mikpritëse.
• Hartimi dhe implementimi i nje programi jashtëshkollor mbi edukimin për paqe me objektiv komunitetin në secilin shtet mikpritës.

Dy organizmat ndërkombëtarë, Departamenti i Kombeve të Bashkuara mbi Cështjet e  Çarmatimit dhe Apeli për Paqe i Gjykatës së Hagës do të mundësojnë realizimin e këtyre objektivave nëpërmjet aktiviteteve dhe programeve të përshtatshme.